Әлеуметтік және инфрақұрылымдық жобалар

Солтүстік Каспий бойынша Өнім бөлісу туралы келісімге сай «НКОК» компаниясы жыл сайын әлеуметтік және инфрақұрылымдық жобалардың жүзеге асырылуына қаражат бөледі. 2018 жылы осы бюджет 50 млн. АҚШ долларын құрады. Мектептер, балабақшалар, ауруханалар, спорт нысандарын салу, сонымен қатар жолдар, электр беру желілері мен су құбырлары сияқты инженерлік қамсыздандыру жүйелері мен жергілікті халыққа пайда тигізетін басқа да инфрақұрылымдық нысандарды салуға арналған қаражат Солтүстік Каспий жобасы шеңберіндегі негізгі қызмет жүргізіліп жатқан Атырау және Маңғыстау облыстары арасында тең бөлінеді. 1998 жыл мен 2018 жыл аралығында 200 әлеуметтік және инфрақұрылымдық жоба жүзеге асырылды. Осылайша, әлеуметтік және инфрақұрылымдық жобаларға жұмсалған жалпы шығындар шамамен 620 млн. АҚШ долларын құрады.

2018 жылы NCOC компаниясы Солтүстік Каспий бойынша өнім бөлісу туралы келісім аясындағы Әлеуметтік және инфрақұрылымдық жобалардың 20 жылдығын атап өтті.  

NCOC компаниясының әлеуметтік және инфрақұрылымдық жобалар туралы брошюрасы